ما هو ال"دياليكتيك"؟

قبل ما نبدا. في العادة المصطلح دا بيقولوهو ناس ما بعرفو عنو شي. لدرجة انو بقا مصطلح مضحك. كلنا بنعرفه و ما بنعرف عنو اي شي في نفس الوقت. الحاجة دي بتعبر عن مشكلتين:

1- انو المصطلح بقا بستمد قوته من الانبهار بالحضارة الغربية: زي كلمة ما بعد الحداثة مثلا. ما لازم تكون عارف معناها لمن تقولها و برضو حتاخد وضع المثقف البنطق بالحقيقة. او اسم ميشيل فوكو مثلا. لكن لو قلت عبد الله علي ابراهيم فانت لسة زول عادي. ممكن كلامك يكون غلط.

2- انو استعمال المصطلح بقا بدل ما يؤدي لنشر معرفة بقا بالعكس بيؤدي لاعطاء شرعية للجهل. اي شخص متوسط الذكاء حيلاحظ انو ماف فرق بينو و بين المثقف البقول في المصطلحات دي. و حيجيهو شعور عميق بانو الثقافة دي ضياع زمن. او هي مجرد "نمط حياة" مختلف.

The Politics of Truth

في العادة الناس بستعيدوا محمود محمد طه... عن طريق افكاره الدينية. الرسالة التانية.. الغاء الحدود الخ. او بافكاره السياسية زي افكاره حول الديمقراطية او نقده للماركسية. عموما بيستعاد محمود محمد طه المفكر و ببدوا الناس يحاولوا يبنو ال legacy بتاعتو علي انو كلامه طلع صاح. انا بزعم انو محمود المفكر هو اسوأ جانب من جوانب الاستاذ (ببساطة لأنو افكاره ما صحيحة انا شايف). و إنو الرمزية الحقيقية للاستاذ هي كونه اول شخصية سودانية مارست السياسة إستنادا علي الحقيقة فقط.

في الجذرية (2-2)

(2) الجذرية: الروح داخل المادة

هنالك فضاء اخر يتحرك فيه الفعل السياسي بشكل مختلف؛

في الجذرية (1-2)

(1) الحضيض

من السهل جدا ادعاء الجذرية: يقف شعار الانقاذ في بداياتها "امريكا قد دنى عذابها" كمثال طريف على هذه الحقيقة، و اكثر من ذلك... يمكننا ان نستخدم هذا المثال لنرسم خطوط التشابه التي تربط شقي نخبتنا السياسية، في الحكومة و المعارضة.

Death of Marat - Jacques-Louis David

الشخص الميت في اللوحة دي هو جان بول مارات، إللي هو كان واحد من أكتر الصحفيين المؤثرين في أيام الثورة الفرنسية، أسس جريدة إسمها "صديق الشعب" كانت بتعتبر إنها لسان مجموعة اليعاقبة الزعيمهم روبيسبيير. إللي هم ديل حسب الفكرة الدرامية الشائعة عن الثورة الفرنسية هم الجماعة الإنطبق عليهم القول اللي يكاد يكون هزلي لكنه بصورة ما حقيقي برضو "الثورة تأكل أبناءها". 

لوحة "الصرخة" ... إدوارد مونش

اللوحة دي إسمها "الصرخة" .. رسمها النرويجي إدوارد مونش.

وحدة من إنجازات الفن الحديث هو إنو كسر الفكر التقليدية عن "الجمال". الجميل بالنسبة للفن الحديث هو ما في المريح، السهل على العين، الباعث على السعادة. بالنسبة للفن الحديث، بصورة عامة يعني، ممكن نقول إنو أي مبنى معماري معقد هو شيء أجمل بكتير من الغابة الهادئة أو الحديقة.

الإقتراض من المستقبل .. جولة غريبة.

في حاجة بسيطة عن الايديولوجيا, صعب تتفهم (زي اي حقيقة بسيطة), لكنها لو اتفهمت بتحل مشاكل كتيرة.

اول شي: شنو هي الايديولوجيا؟